Naxçıvanda “Muxtariyyət-95” intellektual oyunlar üzrə çoxnövçülük turniri keçirilib

5-6 aprel tarixlərində Naxçıvan Muxtar Respublikasının Gənclər Fondunun təşkilatçılığı ilə Naxçıvan şəhərindəki Şahmat Mərkəzində “Muxtariyyət-95” intellektual oyunlar üzrə çoxnövçülük turnirinin açılış tədbiri baş tutub.
Beynelxalq.İnfo-nun məlumatına görə, turnirin açılış tədbirində çıxış edən Naxçıvan Muxtar Respublikasının Gənclər Fondunun icraçı direktoru Cəbi Quliyev qeyd edib ki, bu il Naxçıvan Muxtar Respublikası üçün əlamətdar bir ildir. Belə ki bu il Naxçıvan Muxtar Respublikasının yaranmasının 95 illik yubileyi geniş şəkildə qeyd olunur. Bununla əlaqədar olaraq Naxçıvan Muxtar Respublikası Ali Məclisinin Sədri cənab Vasif Talıbovun 21 yanvar 2019-cu il tarixli sərəncamına əsasən, Naxçıvan Muxtar Respublikasının 95 illik yubileyinin keçirilməsi haqqında tədbirlər planı təsdiq olunub. Bu gün keçirilən tədbir də həmin silsilə tədbirlərin davamıdır.

Vurğulanıb ki, “Muxtariyyət-95” intellektual oyunlar üzrə çoxnövçülük turniri Naxçıvana həsr edilmiş 95 suallıq “Nə? Harada? Nə zaman?”, “Xəmsə” və “Breyn rinq” intellektual oyununu özündə birləşdirir. Turnirdə iştirak edən komandalar Gənclər Fondunun sosial şəbəkə hesablarında açılan elektron qeydiyyat formları vasitəsilə qeydiyyatdan keçib.

Turnirdə ümumilikdə 33 komandadan ibarət 198 gənc iştirak edib ki, bu göstərici intellektual oyunlar üzrə muxtar respublika üzrə rekord göstəricidir.
Sonra turnirə start verilib. İlk gün  “Nə? Harada? Nə zaman?” oyununda 48 sual səsləndirilib. 48 suala ən çox düzgün cavab vermiş 16 komanda  “Breyn rinq” intellektual oyununa vəsiqə qazanıb. Günün ikinci yarısında  “Breyn rinq” intellektual oyunu keçirilib və ilk 8 yeri tutmuş komandalar  “Xəmsə” Milli İntellektual Oyununa vəsiqə qazanıb. 6 apreldə isə “Nə? Harada? Nə zaman?” oyununda 47 sual səsləndirilib və oyunun qalibi müəyyənləşdirilib.

Yekunda qalib komandaların mükafatlandırma mərasimi keçirilib və kubok, medal, kitablarla mükafatlandırılıblar.

https://www.facebook.com/beynelxalq.info.xeber/

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir