Emin Milli Prezident başda olmaqla hamıdan üzr istədi

Meydan TV-nin keçmiş rəhbəri Emin Milli hər kəsdən üzr istəyib.

Beynelxalq.İnfo xəbər verir ki, bir müddət öncə yaydığı statusda Emin Milli İlham Əliyev başda olmaqla, hökumətdən də, müxalifətdən də “həyatının müxtəlif anlarında nifrət ifadə etdiyinə görə” üzr istəyib:

“İllər keçdikcə, həyat təcrübəsi artdıqca anlayırsan ki, tənqidin içində də nifrət olanda bu, qurucu yox, dağıdıcı rol oynayır. Ədalət naminə nifrət belə çox təhlükəli ola bilər.

Ölkəmizdə o qədər nifrət var, o qədər etibarsızlıq var ki, mən artıq bu nifrətin içində boğuluram. Hamımız boğuluruq, amma çıxış yolu tapa bilmirik”.

O qeyd edib ki, hakimiyyət islahatlara getsə, müxalifət isə nifrətə qalib gələ bilsə xalqımızı qabağa apara biləcəklər:

“Bizim cəmiyyətin xoş xəbərlərə, sevgiyə, müsbət addımlara indi çox böyük ehtiyacı var”.

Qeydinin sonunda isə E.Milli “adam işsiz olanda çox azad olur, çox rahat olur, düşünməyə də çoxlu vaxtı olur” sözləri ilə indi daha azad və müstəqil olduğuna diqqət çəkib.

https://www.facebook.com/beynelxalq.info.xeber/

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir